„ერთობა“ — ეს არის სოფელი რომელსაც ვაშენებთ 2 ჰექტარ მწვანე სივრცეში, ტბისა და ტყის გარემოცვაში. ეს არის ადგილი ადამიანებისთვის, ვისაც სურს გათავისუფლდეს ქალაქური რუტინისგან და დაუბრუნდეს ბუნებრივ რიტმს, სიმშვიდესა და საკუთარ თავს.
ჩვენ წარმოვადგენთ გორში, კერძოდ უფლისციხეში მდებარე დასახლება “ერთობას” რომელიც დაფუძნებულია სიყვარულზე, რესურსების გაზიარებასა და თვითგანვითარებაზე და რომლის იდეაც უკვე თითქმის მთელი საქართველოსთვის საყვარელ ალექსი გოგოლაძეს ეკუთვნის. თითოეულ ჩვენგანს თვითგამორკვევის, გამოღვიძების გზაზე ადამიანების მხარში დგომა, სხვადასხვა ტიპის რესურსების მოპოვება და რაც მთავარია, ინფორმაციის წყარო გვჭირდება, რომელიც ხშირად უმნიშვნელოვანესია ჩვენი ფსიქიკური ჯანმრთელობისთვის და სულიერი პროცესების სწორად გასაგებად და წასამართად.
ალექსი გოგოლაძე რომელმაც თავისი ორი ჰექტარი მიწა “ერთობას” გაუზიარა და ახლა ჩვენთან ერთად ცდილობს არსებული განაშენიანებული ტერიტორიის მულტიფუნქციურ ცენტრად გარდაქმნას, რომელიც ყველა ადამიანისთვის იქნება ხელმისაწვდომი და რომლის შექმნაშიც ყველას შეუძლია მონაწილეობის მიღება.
სიმწვანით შემოსილი ეს განსაკუთრებული ტერიტორია ტბით, რამოდენიმე არსებული ნაგებობით და ბაღებით რომელიც საჭიროებს გამოცოცხლებას და ხელის შევლებას რათა განვახორციელოთ უნიკალური სამომავლო თავშეყრის ადგილი.